Ashraf Xo‘jayev O‘zbekistonning Efiopiyadagi birinchi favqulodda va muxtor elchisi etib tayinlandi. Elchining qarorgohi Qatar poytaxti Doha shahrida joylashadi.
“Dunyo” axborot agentligi xabariga ko‘ra, 24 iyun kuni Ashraf Xo‘jayev Efiopiya prezidenti Taye Atske-Selassiega ishonch yorliqlarini topshirdi.
Marosim doirasida o‘tkazilgan uchrashuvda O‘zbekiston va Ethiopia o‘rtasidagi siyosiy, savdo-iqtisodiy va boshqa yo‘nalishlardagi hamkorlik istiqbollari muhokama qilindi.
Muloqot chog‘ida Efiopiya rahbari O‘zbekiston prezidenti Shavkat Mirziyoyevga ikki mamlakat o‘rtasidagi aloqalarni rivojlantirish borasidagi sa’y-harakatlari uchun minnatdorlik bildirib, samimiy tilaklarini yo‘lladi. Shuningdek, u ikki tomonlama munosabatlar izchil rivojlanib, amaliy hamkorlik yanada kengayishiga ishonch bildirdi.
O‘zbekiston va Ethiopia o‘rtasida diplomatik munosabatlar 1996 yil 15 iyulda o‘rnatilgan.
Ashraf Xo‘jayev 2024 yil fevralidan buyon O‘zbekistonning Qatardagi elchisi sifatida faoliyat yuritib kelmoqda. Shuningdek, u 2025 yil oktyabr oyidan boshlab o‘rindoshlik asosida O‘zbekistonning South Africadagi elchisi sifatida ham akkreditatsiyadan o‘tgan.