O‘zbekiston Islamic Organization for Food Security — IOFS’ga a’zo bo‘ldi. Bu haqda “Dunyo” axborot agentligi tashkilot ma’lumotiga tayanib xabar berdi.
Qayd etilishicha, Uzbekistan va Azerbaijanning tashkilotga qo‘shilishi ortidan IOFS’ga a’zo davlatlar soni 43 taga yetgan.
Tashkilot bayonotida bu qadam Organisation of Islamic Cooperation mamlakatlari o‘rtasida oziq-ovqat xavfsizligi bo‘yicha hamkorlikni mustahkamlashdagi muhim bosqich ekani ta’kidlangan.
IOFS nizomini imzolash marosimi Bokuda o‘tkazilgan 19-Ozarbayjon xalqaro qishloq xo‘jaligi ko‘rgazmasi va forumi doirasida tashkil etilgan.
Hujjatni Ozarbayjon qishloq xo‘jaligi vaziri Majnun Mammadov hamda O‘zbekiston qishloq xo‘jaligi vaziri Ibrohim Abdurahmonov imzolagan.
Tashkilotga ko‘ra, O‘zbekiston va Ozarbayjonning qo‘shilishi IOFS’ning strategik kengayishiga xizmat qiladi. Shuningdek, bu tashkilotning qishloq xo‘jaligi salohiyati, agro sanoatni rivojlantirish hamda innovatsiyalar bo‘yicha tajribasini kuchaytiradi.
Hozirda IOFS yangi a’zolar bilan qator yo‘nalishlarda hamkorlik olib bormoqda. Jumladan, qishloq xo‘jaligi innovatsiyalari, qo‘shimcha qiymat zanjirlarini rivojlantirish, zararkunandalarga qarshi transchegaraviy kurash, suv resurslarini raqamli boshqarish, ekologik barqaror qishloq xo‘jaligi usullari va bilim almashish shular jumlasidan.
Tashkilot ta’kidlashicha, a’zolik davlatlarga texnik hamkorlik, siyosiy muloqot hamda oziq-ovqat xavfsizligini mustahkamlashga qaratilgan mintaqaviy tashabbuslarda ishtirok etish imkonini beradi.
IOFS, shuningdek, a’zolik kengayishi tashkilotning oziq-ovqat xavfsizligi va barqaror qishloq xo‘jaligi bo‘yicha ixtisoslashgan platforma sifatidagi roliga ishonch ortib borayotganini ko‘rsatishini bildirgan.